रसिक वाचकहो,

उषा पब्लिकेशनची वाटचाल २९ जून २०१३ रोजी सुरू झाली. इतिहास, भारतीय संस्कृती, ज्ञानपरंपरा आणि संशोधनात्मक लेखन यांना केंद्रस्थानी ठेवून दर्जेदार साहित्य वाचकांपर्यंत पोहोचविणे तसेच विविध भाषांतील महत्त्वपूर्ण साहित्य मराठी वाचकांसाठी उपलब्ध करून देणे, ही या वाटचालीमागची प्रमुख भूमिका राहिली आहे.

या प्रवासात विविध विषयांवरील अभ्यासपूर्ण आणि आशयसमृद्ध साहित्य प्रकाशित होत गेले. काळानुरूप उषा पब्लिकेशनच्या कार्याची व्याप्तीही विस्तारत गेली. अनेक मान्यवर, लेखक, अभ्यासक, संशोधक आणि साहित्यप्रेमी या संस्थेशी अर्थपूर्णरीत्या जोडले गेले आणि त्यांच्या मार्गदर्शन, सहकार्य व सदिच्छांमुळे ही वाटचाल अधिक समृद्ध होत गेली.

पुस्तक प्रकाशनाबरोबरच भारतीय इतिहास, संस्कृती, तत्त्वज्ञान, साहित्य, कला आणि समाजजीवन यांविषयी अभ्यासपूर्ण विचारांची देवाणघेवाण व्हावी, या उद्देशाने ‘इंडॉलॉजी कट्टा’ या उपक्रमाच्या माध्यमातून अभ्यासक आणि रसिकांना एकत्र आणण्याचा प्रयत्न सातत्याने केला जात आहे.

ज्ञान, संशोधन आणि साहित्य यांचा समृद्ध वारसा अधिकाधिक वाचकांपर्यंत आणि नव्या पिढीपर्यंत पोहोचविणे तसेच लेखक, अभ्यासक आणि वाचक यांना जोडणारे एक अर्थपूर्ण व्यासपीठ निर्माण करणे, हीच उषा पब्लिकेशनच्या पुढील वाटचालीची दिशा आहे.

आपले प्रेम, विश्वास आणि सदिच्छा यापुढेही उषा पब्लिकेशनच्या वाटचालीला लाभत राहतील, ही अपेक्षा.

धन्यवाद !
केयूर किशोर देशपांडे